خبرگزاری زنان افغانستان: د افغانستان د بیارغونې لپاره د امریکا د ځانګړی مفتش دفتر (سیګار) وایی، طا.لبان په غیر مستقیم ډول د افغانستان د پوهنې په برخه کې د امریکا له مرستو ګټه اخلی. طا.لبانو محدودونکې تعلیمی تګلارې د دې لامل شوی چې په دې هېواد کې د زده کړو کیفیت او په هره کچه […]
خبرگزاری زنان افغانستان: د افغانستان د بیارغونې لپاره د امریکا د ځانګړی مفتش دفتر (سیګار) وایی، طا.لبان په غیر مستقیم ډول د افغانستان د پوهنې په برخه کې د امریکا له مرستو ګټه اخلی. طا.لبانو محدودونکې تعلیمی تګلارې د دې لامل شوی چې په دې هېواد کې د زده کړو کیفیت او په هره کچه زده کړو ته لاسرسی کم شی.
د دې ادارې په نوی راپور کې ویل شوی چې طا.لبان د نورو شیانو ترڅنګ د جعلی غیر دولتی موسسو په جوړولو او په تعلیمی موسسو کې د نفوذ او اختلاس له لارې له دغو مرستو ګټه پورته کوی.
په افغانستان کې د یوې غیردولتی موسسې یوه چارواکی سیګار ته ویلی چې طا.لبان هم دغه موسسې دې ته اړ باسی چې د دې ډلې ملاتړی وګماری او د اړتیا وړ توکی د دې ډلې تر کنټرول لاندې شرکتونو څخه واخلی.
سیګار دا هم ویلی چې طا.لبان له هغو کسانو څخه چې په هغو موسسو کې کار کوی چې د امریکا تعلیمی مرستې ترلاسه کوی، د اوبو، برېښنا بیلونه او د دغو موسسو له خوا په پېرلو شویو توکو مالیه اخلی، له دې مرستو ګټه اخلی.
د یوې بلې غیردولتی موسسې یوه چارواکی سیګار ته ویلی چې طا.لبان هغه افغان وګړی په نښه کوی چې د پوهنې په برخه کې له امریکا څخه مالی ملاتړ ترلاسه کوی او د مالیاتو تر نامه لاندې له هغوی څخه “اختلاس” کوی.
د امریکا د نړیوالې پراختیایی ادارې یوه چارواکی هم سیګار ته ویلی، هغه مرستې چې د امریکا له مالی مرستو ترلاسه کوی د پوهنې برخې ته پیسې ورکوی، بالاخره د افغانستان مرکزی خزانې ته چې د طا.لبانو تر واک لاندې ده، استول کېږی.
په ورته وخت کې د امریکا د نړیوالې پراختیایی ادارې چارواکو ویلی دی چې د امریکا له مالی مرستو څخه د طا.لبانو د مستقیمې ګټې اخیستنې د مخنیوی لپاره یې تدابیر نیولی دی.
سیګار په خپل نوی راپور کې د طا.لبانو له واکمنۍ وروسته په افغانستان کې د پوهنې وضعیت څېړلی او ویلی یې دی چې د دې ډلې سیاستونو پوهنې ته د خلکو لاسرسی محدود کړی او د پوهنې کیفیت یې ټیټ کړی دی.
د دغه راپور له مخې، د طا.لبانو د دغو سیاستونو په غبرګون کې، امریکا او نړیوالو مرستندویانو خپلې ټولې مرستې د پوهنې په برخه کې خصوصی سکتور ته ځانګړې کړې او د فاصلې زده کړې او د ټولنې په کچه د زده کړو له پروګرامونو څخه ملاتړ کوی.
