د ولسی جرګې پخوانۍ استازې فوزیه کوفی نیوکه کوی چې طالبانو په مدرسو کې د استادانو د ګومارنې لپاره ۱۰۰ زره بستونه رامنځته کړی، خو د ماسترۍ او دوکتورا لرونکې مېرمنې یې په کورونو کې بندې کړې دی.
نوموړې پر خپله ایکسپاڼه لیکلی «طالبانو په تېرو درېیو کالو کې خپلو خلکو لپاره مدرسو کې د استادۍ ۱۰۰ زره بستونه جوړ کړی، خو ډېرې تکړه او د ماسترۍ او دوکتورا لرونکې ښځې یې په کورونو کې قید کړی دی.»
د طالبانو حکومت وایی چې د مشر له لوری یې مدرسو ته د ۱۰۰ زره ښوونکو بستونه تایید شوی دی.
اغلې کوفی همدارنګه زیاتوی، طالبان غواړی نړۍ افغانانو ته ډوډۍ ورکړی څو دوی د خپلې ایډیالوژۍ د تدریس لپاره لا ډېرې مدرسې جوړې کړی.
مېرمن کوفی دا څرګندونې په داسې حال کې کوی چې د طالبانو د پوهنې وزارت وایی تېر کال یې ټول هیواد کې ۲۱۲۵۷ مدرسې او ۱۰۶ ښوونځی جوړ کړی دی.
دافغانستان ښځو خبری اژانس
- نویسنده : د افغانستان ښځو خبري اژانس
- منبع خبر : د افغانستان ښځو خبري اژانس
