په جینوا کې د ملګرو ملتونو د دفتر په وینا، په نړۍ کې په هرو دریو کې یوه ښځه د فزیکي کورني تاوتریخوالي تجربه کوي. دې ادارې د یکشنبې په ورځ په خپله ټویټر پاڼه لیکلي چې د ښځو پر وړاندې دا تاوتریخوالی د دوی د همکارانو له خوا په قصدي ډول ترسره کیږي. ملګري […]
په جینوا کې د ملګرو ملتونو د دفتر په وینا، په نړۍ کې په هرو دریو کې یوه ښځه د فزیکي کورني تاوتریخوالي تجربه کوي.
دې ادارې د یکشنبې په ورځ په خپله ټویټر پاڼه لیکلي چې د ښځو پر وړاندې دا تاوتریخوالی د دوی د همکارانو له خوا په قصدي ډول ترسره کیږي.
ملګري ملتونه د نجونو او ښځو پر وړاندې تاوتریخوالی له بشري حقونو څخه سرغړونه بولي او خبرداری ورکوي، چې ناوړه عواقب لري او ښايي د مرګ لامل شي.
ملګرو ملتونو د ښځو پر وړاندې د تاوتریخوالي د پای ته رسولو غوښتنه کړې ده.
د نجونو او ښځو پر وړاندې د تاوتریخوالي د پایلو په اړه دا خبرداری په داسې حال کې ورکول کېږي چې د بشري حقونو سازمانونو افغانستان په نړۍ کې د نجونو او ښځو لپاره تر ټولو ګواښونکی هېواد بللی دی.
دوی د خپلې ادعا د ثابتولو لپاره په افغانستان کې پر ښځو او نجونو لګول شوي محدودیتونو ته اشاره کوي، چې له مخې یې دوی ښوونځي او پوهنتون ته نه شي تلای، دوی ته د کار اجازه نه ورکول کېږي، په سیاسي او ټولنیزو فعالیتونو کې له ګډون څخه منع دي او داسې نور شته. یو شمیر نور محدودیتونه چې ښیې افغان نجونې او میرمنې په ډیر بد حالت کې دي.
بشري حقونه، په ځانګړې توګه په افغانستان کې له افغان ښځو او نجونو سره د طالبانو چلند، دا مهال د نړیوالو بحثونو د اجنډا یو له لومړنیو مسلو څخه دی.
دا اندېښنې په داسې حال کې راپورته کېږي چې د بشري حقونو سازمانونو افغانستان د نجونو او ښځو لپاره تر ټولو بد هېواد بللی دی.
خبرگزاری زنان افغان
