هلمند کې کې د روغتیا مسوولین وایی، یوازی په تیرو شپږو میاشتو کې ۱۵۰۰ ماشومان په خوارځواکۍ اخته شوی دی. هلمند کی د شدیدو خوارځواکه ماشومانو د داخلی بستر مسوول ډاکټر بسم الله احمدزی رسنیو سره د یوې مرکې پرمهال وویل چې په دغه ولایت کې ورځ تربلی په خوار ځواکۍ د اخته ماشومانو شمیر […]
هلمند کې کې د روغتیا مسوولین وایی، یوازی په تیرو شپږو میاشتو کې ۱۵۰۰ ماشومان په خوارځواکۍ اخته شوی دی.
هلمند کی د شدیدو خوارځواکه ماشومانو د داخلی بستر مسوول ډاکټر بسم الله احمدزی رسنیو سره د یوې مرکې پرمهال وویل چې په دغه ولایت کې ورځ تربلی په خوار ځواکۍ د اخته ماشومانو شمیر زیاتیږی او په تیرو ۶ میاشتو کې دوئ ۱۵۰۰ داسی ماشومان د درملنی په هدف بیستر کړی دی چې له خوارځواکۍ څخه کړیدل.
هغه وایی په بیستر شوو ماشومان کې ۷۲۰ تنه روغ شوی ۳ تنه مړه شوی ۲۰ تنه د ښه درملنی په هدف کندهار او کابل ته انتقال شوی اوپاته نور لاهم بیستر دی.
بیستر شوو ماشومان کې ۷۲۰ تنه روغ شوی ۳ تنه مړه شوی ۲۰ تنه د ښه درملنی په هدف کندهار او کابل ته انتقال شوی اوپاته نور لاهم بیستر دی
نوموړی زیاتوی چی د لوږی پر وړاندی د مبارزې یا TFU کلینک ته د هلمند تر څنګ د کندهار ولایت د یوشمېر ولسوالیو څخه هم په خوراځواکۍ اخته ماشومان راوړل کېږی، چی په وینا یې په کلینیک کی هره ورځ هغو مېرمنو ته چی د خپلو ماشومانو سره پایوزانې وی د سوء تغذې د مخنیوی په اړه عامه پوهاوی ورکوی.
دغه راز د سوء تغذیې د برخې ډاکتره نظیفه واحدی وایی، د پیدایښت ورسته زیات شمېر مېندې خپل ماشومان سم نه تغذیه کوی نوموړې زیاتوی چی هر ماشوم ته باید تر ۲ کلنۍ پوری د مور شیدې ورکړل شی.
واحدی وایی په خوارځواکۍ زیاتره تر ۵ کلنۍ کم عمره ماشومان اخته کېږی ،چی علت یې د مېندو د ځان او ماشوم حفظ الصحې ته نه پاملرنه ، د ماشومانو تر منځ د زېږون د واټن نه مراعت او په ټولنه کی د عامه پوهاوی نشتووالی دی .
هغې وویل؛ د مور شېدې د ماشومانو لپاره زیاتې ګټورې او ماشوم له ګڼو ناروغیو ژغوری .
ډاکترې نظېفې پر ورته مهال له مېرمنو او د کورنیو له مشرانو غوښتنه وکړه، چی خپلو ماشومانو ته د پوډری شېدو د ورکولو ډډه وکړی ځکه؛ د دې په وینا افغانستان ته بېلا بېل ډول بې کیفیته پوډری شیدې را واردېږی ،چی د ګټې پر ځای یې زیانونه زیات دی.
د مور شېدې د ماشومانو لپاره زیاتې ګټورې او ماشوم له ګڼو ناروغیو ژغوری .
پر ورته وخت یوشمېر مېرمنو چی یاد کلینیک ته یې خپل ماشومان د درملنې په موخه راوړی وایی،چی بې وزلۍ له امله یې ماشومان په خوارځواکۍ اخته شوی او اوس یې د خوراځواکۍ د درملنې په کلینیک کی بستر کړی دی.
دوئ وایی، چی دلته یې نه یوازی دا چی په ښه توګه د ماشومانو درملنه کېږی بلکی د ډاکترانو لخوا ورته عامه پوهاوی هم ورکول کېږی.
دوئ زیاتوی،چی یوه میاشت وړاندی یې ماشومان د درملنې په موخه کلینیک ته راوړی خو، د ډاکترانو د ښې درملنې له امله یې اوس ماشومان چاغ او روغتیایی حالات یې ښه شوی دی.
د ډاکترانو د ښې درملنې له امله یې اوس ماشومان چاغ او روغتیایی حالات یې ښه شوی دی.
د ماشومانو د ساتنې صندوق ‘save the children’ په خپل تازه راپور کې د افغان ماشومانو وضعیت ته کتنه کړې، دغه صندوق په خپل یو تازه راپور کې لیکلی، په افغانستان کې نږدې پنځه میلیونه ماشومان له لوږې سره مخ دی.
سیمه کې د ماشومانو د ساتنې دغه نړیوال صندوق د رسنیو مسوولې شارلوټ روز په یو غږیز پیغام کې ویلی، په افغانستان کې د خوارځواکه ماشومانو شمېره دوه برابره زیات شوی دی.
د مېرمن روز په خبره دا یوه لویه ستونزه ده ځکه ماشومان د اړتیا وړ روغتیایی توکو ته لاس رسۍ نه لری او یو شمېر ماشومان هم د ډاکټرانو او د درملو د نشتون له امله له درمنلې وړاندې له روغتونه کور ته لېږل کېږی.
د خوړو د نړیوال پروګرام د نوې څېړنې نتیجه ښیی چې په اوس وخت کې په افغانستان کې ۲۳ ملیونه وګړی د خوړو خوندیتوب نه لری او دغه بحران لا د ژور کېدو په حال کې دی.
دغه سروې ښیی چې افغانستان کې د خوړو او تغذیې وضعیت په دوامداره توګه د خرابېدو په حال کې دی او تر اوسه داسې کوم منظم پلان شتون نه لری چې دغه حالات کنترول کړی.
