خبرگزاری زنان افغان: د امریکا د بهرنیو چارو وزارت اعلان کړی، چې ټاکل شوې د افغانستان لپاره د امریکا ځانګړی استازی توماس ویسټ د دغه هېواد له سیاسی مشرانو، ژورنالیستانو، د مدنی او بشری حقونو له فعالانو او سوداګرو سره وګوری. دغه وزارت اعلان کړی، چې دغه غونډې به د روان کال د مارچ میاشتې […]
خبرگزاری زنان افغان: د امریکا د بهرنیو چارو وزارت اعلان کړی، چې ټاکل شوې د افغانستان لپاره د امریکا ځانګړی استازی توماس ویسټ د دغه هېواد له سیاسی مشرانو، ژورنالیستانو، د مدنی او بشری حقونو له فعالانو او سوداګرو سره وګوری.
دغه وزارت اعلان کړی، چې دغه غونډې به د روان کال د مارچ میاشتې له “۱۱مې تر ۱۸مې” په قطر، متحده عربی اماراتو او ترکیې کې په جلا توګه ترسره شی.
په اعلامیه کې د دغه سفر اصلی هدف نه دی په ګوته شوی، خو ټینګار شوی: «په داسې حال کې چې نړیواله ټولنه د افغانستان د هغو ننګونو د حل په لټه کې ده، چې د سرپرست حکومت د وروستیو پرېکړو له امله د ښځو د ونډې د محدودولو له امله رامنځته شوې دی. په بشردوستانه عملیاتو کې او د ملګرو ملتونو لپاره د دوی د حیاتی فعالیتونو څخه د دوی مخنیوی خورا خراب شوی.خو برعکس د هرې ورځې په تېرېدو سره د افغانستان پر ښځو او خلکو نور بندیزونه لګول کېږی.
په وروستۍ قضیه کې، شاوخوا دوه اونۍ وړاندې په ننګرهار کې سرپرست حکومت د دې ادارې ښځینه کارکوونکې له کار کولو منع کړل.
یوناما یا په افغانستان کې د ملګرو ملتونو مرستندویه پلاوی د دغه بندیز په اړه اندېښنه ښودلې او ټینګار یې کړی، چې د دغه سازمان بنسټونه له ښځینه کارکوونکو پرته نه شی کولای فعالیت وکړی او حیاتی مرستې وکړی.
د ملګرو ملتونو امنیت شورا هم د سرپرست حکومت د وروستۍ پرېکړې په اړه غونډه کړې، خو د دې غونډې جزیات نه دی خپاره شوی.
د سرپرست حکومت چارواکو تر اوسه په دې اړه څه نه دی ویلی.
تېر کال سرپرست حکومت هم په یوه لیک کې په کورنیو او بهرنیو غیر دولتی ادارو کې د ښځو پر کار کولو بندیز ولګاوه.
خبرگزاری زنان افغان
Recognize_Gender_Apartheid_in_Afghanistan#
