خبرگزاری زنان افغان: د طالبانو د پوهنې ریاست په یوه نوی فرمان کې په ټول هېواد کې د ټولو بهرنیو او کورنیو تعلیمی موسسو پر فعالیت بندیز لګولی دی. په یوه غږیز پیغام کې چې نن “چهارشنبه د جوزا ۱۷مه” د وټس اپ په پیغام کې خپور شو، د طالبانو د پوهنې وزارت چارواکو د […]
خبرگزاری زنان افغان: د طالبانو د پوهنې ریاست په یوه نوی فرمان کې په ټول هېواد کې د ټولو بهرنیو او کورنیو تعلیمی موسسو پر فعالیت بندیز لګولی دی.
په یوه غږیز پیغام کې چې نن “چهارشنبه د جوزا ۱۷مه” د وټس اپ په پیغام کې خپور شو، د طالبانو د پوهنې وزارت چارواکو د سیمه ییزو تعلیمی موسسو د تړلو امر کړی دی.
په دغه غږیز ټیپ کې ټینګار شوی چې: د پوهنې په برخه کې د ټولو بهرنیو بنسټونو فعالیت، که هغه کفر وی او که مسلمان، باید ژر تر ژره ودرول شی.
دغه صوتی پیغام چې په دې وروستیو کې خپور شوی، په کې د طالبانو د پوهنې ریاست یوه چارواکی امر کړی چې ټولې بهرنۍ موسسې چې د “ښوونې او روزنې” په برخه کې هر ډول فعالیت لری، له اوس څخه به د فعالیت اجازه نه لری.
دغه طالب چارواکی ټینګار کوی چې هغه بنسټونه چې د پوهنې په برخه کې فعالیت کوی او د طالبانو د پوهنې وزارت تر څارنې لاندې دی باید په شاوخوا سیمو کې د فعالیت اجازه ورنکړل شی.
دى وایی، بهرنیو موسسو ته به تر راتلونکې یوې میاشتې پورې خپل ټول فعالیتونه ودروی او بیا دې د پوهنې وزارت په همغږۍ خپل کارونه داخلی ادارو ته وسپاری.
هغه د دې ډلې د پوهنې ټولو مسوولینو ته لارښوونه وکړه چې دغه فرمان په شفاهی ډول د ادارو مسوولینو ته ورسوی. هغه په دوام وویل چې که دوى لاریون وکړی، نو د دې ډلې د پوهنې ریاست ته به د پوهنې د وزیر په لاسلیک لیکلى حکم صادر کړی.
نوموړی په خپلو خبرو کې د آغا خان انسټیټیوټ په څېر بنسټونو ته اشاره وکړه او ویې ویل، چې د پوهنې په برخه کې باید ټولې بهرنۍ موسسې، چې مسلمان او غیر مسلم وی، ودرول شی.
په دغه غږیز پیغام کې دا هم ویل شوی چې د داخلی بنسټونو لپاره شرطونه ایښودل شوی چې که په راتلونکی کې د دغې ډلې له اصولو سره سم اقدام ونه کړی، د دوی فعالیتونه به ودرول شی.
په دغه غږیز پیغام کې دا هم ویل شوی چې د داخلی بنسټونو لپاره شرطونه ایښودل شوی چې که په راتلونکی کې د دغې ډلې له اصولو سره سم اقدام ونه کړی، د دوی فعالیتونه به ودرول شی.
دا په داسې حال کې ده چې تر دې وړاندې طالبانو ښوونځی او پوهنتون ته د نجونو پر تګ بندیز لګولی و.
دې ډلې څه موده وړاندې د کابل ښار او ولایتونو ټولو ښوونیزو مرکزونو ته امر کړی و، چې له شپږم ټولګی څخه پورته نجونو ته دې ټولګیو ته د ننوتو اجازه نه ورکوی.
دغې ډلې خبرداری ورکړی و، چې که کوم مرکز له دغه حکم سره سم عمل ونه کړی، یاد تعلیمی مرکز به وتړل شی او مسوول کس به مجازات شی.
خبرگزاری زنان افغان
