خبرگزاری زنان افغان: په تېر حکومت کې د اطلاعاتو او کلتور وزیر عبدالباری جهانی د طالبانو مشرانو ته په یوه لیک کې ویلی دی چې دغې ډلې د ټولو قومونو حقونه تر پښو لاندې کړی او ټول پښتانه به د طالبانو د دې عمل تاوان ورکړی. د اطلاعاتو او کلتور پخوانی وزیر د جمعې په […]
خبرگزاری زنان افغان: په تېر حکومت کې د اطلاعاتو او کلتور وزیر عبدالباری جهانی د طالبانو مشرانو ته په یوه لیک کې ویلی دی چې دغې ډلې د ټولو قومونو حقونه تر پښو لاندې کړی او ټول پښتانه به د طالبانو د دې عمل تاوان ورکړی.
د اطلاعاتو او کلتور پخوانی وزیر د جمعې په ورځ د حمل په ۱۱مه په خپله فیسبوک پاڼه کې د دغه لیک په خپرولو سره لیکلی، چې د طالبانو اوسنی واک د پښتنو په ځانګړې توګه د «لوی کندهار» طالبانو په لاس کې دی.
د دې لیک په پیل کې یې لیکلی: زه پوهېږم چې زما دغه لیک به تاته ونه رسېږی او که تاته ورسېږی، ډېر اغېز به ونه لری، خو د یوه لوستی، سپین ږیری او مهاجر افغان په توګه دا څو کرښې لیکم. تر څو خپل صادقانه مسؤلیت پوره کړم.”
جهانی زیاته کړه چې د طالبانو او په ځانګړې توګه د کندهاری طالبانو د واک انحصار له امله د افغانستان نور ټول قومونه، د غیر کندهاری پښتنو په ګډون د ټولو پښتنو پر وړاندې بدبینه شوی دی.
هغه په ډاګه کړې، چې د راتلونکو ټولو بدو پېښو تر ټولو لوی تاوان به د طالبانو د کړنو له امله پښتنو ته اوړی. ځکه د ده په وینا ټول طالبان پښتانه دی او په واک کې دغو پښتنو په افغانستان کې د مېشتو ټولو قومونو حقونه تر پښو لاندې کړی دی.
باری جهانی لیکلی دی: اوسنی وضعیت به دوام ونه کړی او د قیامت تر ورځې پورې د ټولو غیر پښتون قومونو، روڼ اندو پښتنو او ټولې نړۍ سره مقابله ممکنه نه ده.
په دغه لیک کې د طالبانو مشرانو ته ویل شوی: «تاریخ ثابته کړې چې واک په زور نیول کېدای شی. خو په زور یې ساتل ناشونی دی.»
هغه ټینګار وکړ چې په هېواد کې دننه او بهر د افغانستان لوستی خلک د ښوونځیو او پوهنتونونو د تړلو او د ښځو پر کار د بندیز له امله مایوسه شوی دی.
جهانی په دې لیک کې لیکلی چې د طالبانو د واک د انحصار له امله په هېواد کې ټول قومونه لکه تاجک، هزاره، ازبک، ترکمن او نور واړه توکمونه او حتی غیر کندهاری پښتانه هم له طالبانو څخه بېزاره شوی او نا امیده شوی دی. ټولو پښتنو ته په ځانګړې توګه د جنوب لوېدیځې سیمې اوسېدونکو ته.
ښاغلی جهانی په دې لیک کې د طالبانو مشرانو ته په خطاب کې زیاته کړې: تاسو د بیان د ازادۍ پر ضد جهاد اعلان کړی او که څوک د مطیع الله ویسا په څېر پر تاسو نیوکه وکړی، زندانی یې کړئ او د زندانی کېدو لپاره یې داسې دلایل وړاندې کوئ چې په کور دننه او بهر د هیچا د خوښې وړ نه وی. “نه ده.”
د اطلاعاتو او کلتور پخوانی وزیر زیاته کړه: د تېر حکومت د پلویانو او قوماندانانو پراسرار قتلونه روان دی او ټول خلک دا مسله ستاسو [طالبانو] کار ګڼی او په دې برخه کې ستاسو اعلانونو ته څوک غوږ نه نیسی او باور نه کوی. ”
جهانی د شوروی اتحاد ماتې، د مجاهدینو د رژیم، د طالبانو د لومړی رژیم ړنګېدو او په افغانستان کې د ناټو او امریکایی ځواکونو ماتې ته په اشارې سره وویل، چې د طالبانو اوسنی حکومت به هم باثباته نه وی.
د دې لیک په یوه برخه کې هغه لیکلی: «زه منم چې امریکا تاسو [طالبانو] ته د ۴۰ میلیونو ډالرو په ارزښت کڅوړې لیږی، خو
دا د پیسو کڅوړې به د قیامت تر ورځې دوام ونه کړی. امریکا چې د حامد کرزی او اشرف غنی حکومتونو ته غاړه نه ږدی، له تاسو سره یې دوستی هم د همدې موخې لپاره ده.
د ده په وینا یوه ورځ به نه امریکا وی او نه د ډالرو کڅوړې. بلکې طالبان او دا ناراضه خلک به یوازې وی.
نوموړی طالب مشرانو ته په خطاب کې وویل چې ملګری ملتونه د طالبانو د ټولو سیاستونو خلاف دی او د نړۍ هیڅ هېواد حتی پاکستان هم دغه ډله په رسمیت نه ده پېژندلې.
د یادونې وړ ده، چې د پښتو ژبې شاعر او لیکوال عبدالباری جهانی په کندهار کې زېږېدلى او د ١٣٩۴ او ١٣٩۵ کلونو ترمنځ یې د اطلاعاتو او فرهنګ د وزیر په توګه دنده ترسره کړې ده.
دا په داسې حال کې ده چې د هېواد د اتباعو او سیاستوالو په وینا طالبانو په افغانستان کې په خپل تسلط کې د نورو اتباعو حقونه په پام کې نه دی نیولی.
طالبانو د هیواد هیڅ وګړی په لومړۍ درجه دولتی څوکیو نه دی ګمارلی او حتی په ټیټو پوستونو کې یې قومی تصفیه پیل کړې ده.
خبرگزاری زنان افغان
Recognize_Gender_Apartheid_in_Afghanistan#
