دنازو انا عالي ليسې نوې ودانۍ چې دننګرهار ولايت جلال آباد ښار کې موقعيت لري ګټې اخيستنې ته وسپارل شـوه ياده ودانۍ چې د ترکيې هيواد په مالي مرسته جوړه شوې وه ترکيې هيواد نماينده جهاد ارګين او د ننګرهار معارف رياست لپاره د طالبانو رٸيس مفتي حبيب الله حقاني له لوري،دنورو ميلمنو اود نوموړې […]
دنازو انا عالي ليسې نوې ودانۍ چې دننګرهار ولايت جلال آباد ښار کې موقعيت لري ګټې اخيستنې ته وسپارل شـوه
ياده ودانۍ چې د ترکيې هيواد په مالي مرسته جوړه شوې وه ترکيې هيواد نماينده جهاد ارګين او د ننګرهار معارف رياست لپاره د طالبانو رٸيس مفتي حبيب الله حقاني له لوري،دنورو ميلمنو اود نوموړې ليسې د زدكوونكو په حضور ګټې اخيستنې ته وسپارل شوه.
نوموړې ودانۍ چې د ترکيې هيواد په مالي لګښت د ټيکا موسسې لخوا جوړه شوې ده دولس درسې خونو يو مجهز کتابتون او نورو اړينو ملخاتوپه لرلو سره په عصري ډول ترميم شوې وه نن د يوې غونډې په ترڅ کې ګټې اخيستنې ته وسپارل شوه.
دننګرهار ولايت پوهنې رياست لپاره د طالبانو رئيس مفتي حبيب حضرت(حقاني) د غونډې په ترڅ کې د وينا پرمهال دترکې هيواد او ټيکا موسسې څخه دمنني ترڅنګ دنورې ورته همکارۍ غوښتنه وکړه او زياته يې کړه چې ديو اسلامې هيواد په حيث ورسره د تعليم او تربيې د بهبود او پياوړتيا په خاطر خپلې همکارۍ ته دوام ورکړي)
ورپسي دترکې هيواد سفير جهاد (ارګيناى) خپلي خبري وکړې او د جوړ شوي تعمير د مبارکۍ ترڅنګ يې دنورې همکارۍ ډاډ هم ورکړ او زياته يې کړه چې ستاسې پيغام او نيکې هيلې به زه ترکي ولس او مشرانو ته ورسوم )
د ننګرهار د معارف رياست د خبرپاڼې له مخې نوموړې ودانۍ کې به پنځه زره زدكوونكو په بېلابېلو وختونو کې زده كړې وکړي.
دا لومړى ځل نه دى چې د ترکيې هيواد لخوا د معارف په برخه کې مرسته کېږي،څه مياشتې وړاندې هم د ترکيې هيواد لخوا د افغانستان د معارف وزارت سره د ماشومانو لوبود توکو مرسته هم شوې وه.
د ترکيې هيواد لخوا د نجونو د ښوونځي د نوې ودانۍ جوړېدل او ګټې اخيستنې ته د هغې سپارل داسې مهال ترسره کېږي ،چې لا هم د شپږم ټولګي څخه پورته د نجونو ښوونځي د نجونو پر مخ تړل شوې، که څه هم د طالبانو اعلان کړى و چې ددوى سترې محکمې لخوا يوه اته کسيزه کميټه د نجونو د ښوونځيو د پرانستلو په اړه رامنځته کړې خو لا هم معلومه نه ده چې دا کميټه به کله دشپږم ټولګي څخه پورته د نجونو پرمخ د ښوونځيو دروازې پرانيزي .
