خبرگزاری زنان افغانستان: د افغانستان په چارو کې د امریکا ځانګړی استازی توماس ویسټ د بشری چارو لپاره د ملګرو ملتونو د عمومی منشی له مرستیال مارتین ګریفیتس سره په افغانستان کې د بشری وضعیت په اړه خبرې کړې دی. نوموړی نن “پنجشنبه، ۳۰ سنبلی” په ایکس کې لیکلی چې امریکا لا هم د افغانستان […]
خبرگزاری زنان افغانستان: د افغانستان په چارو کې د امریکا ځانګړی استازی توماس ویسټ د بشری چارو لپاره د ملګرو ملتونو د عمومی منشی له مرستیال مارتین ګریفیتس سره په افغانستان کې د بشری وضعیت په اړه خبرې کړې دی.
نوموړی نن “پنجشنبه، ۳۰ سنبلی” په ایکس کې لیکلی چې امریکا لا هم د افغانستان له خلکو سره تر ټولو لوی بشری مرسته کونکی هېواد دی.
لویدیځ په افغانستان کې له مرستندویه موسسو مننه کړې ده.
اوس مهال په افغانستان کې له اړمنو سره د مرستې لپاره بشری عملیات د بودیجې له کمښت سره مخ دی.
د خوراکی توکو د نړیوال پروګرام اجرایوی مشرې سنډی مکین چې په افغانستان کې د خوراکی توکو ډېره برخه مرستې وېشی، ویلی دی چې د مرستو د نه پوره کېدو په صورت کې به له افغانستانه ووځی.
هغه زیاته کړه چې په افغانستان کې د خوړو نړیوال پروګرام “دومره پیسې نه لری چې د اکټوبر تر میاشتې پورې ترلاسه کړی”.
مېرمن مکین وویل: تر څو چې موږ د افغانستان لپاره بودیجه پیدا نه کړو، باید په بشپړه توګه یې پریږدو. که په افغانستان کې له اړو کسانو سره د مرستې لپاره لازمې مرستې ونه شی، له دغه هېواده به ووځی.
باید وویل شی، چې د امریکا د بهرنیو چارو وزارت تر دې وړاندې هم ټینګار کړی و، چې په افغانستان کې د بشری وضعیت په ځانګړې توګه د ښځو د وضعیت د خرابېدو د مخنیوی لپاره به د دغه هېواد هڅې دوام ولری.
