اوچا یا د ملګرو ملتونو د بشري چارو د همغږۍ دفتر وايي، په افغانستان کې په سیمه ییزو ښوونځیو کې د نجونو د شمولیت کچه د تېر کال په پرتله دوه برابره شوې ده. اوچا نن (دوشنبه د حوت ۲۹مه) د افغان ماشومانو لپاره د «ورلډ ویژن» انسټیټیوټ د یو کلن راپور په خپرولو سره […]
اوچا یا د ملګرو ملتونو د بشري چارو د همغږۍ دفتر وايي، په افغانستان کې په سیمه ییزو ښوونځیو کې د نجونو د شمولیت کچه د تېر کال په پرتله دوه برابره شوې ده.
اوچا نن (دوشنبه د حوت ۲۹مه) د افغان ماشومانو لپاره د «ورلډ ویژن» انسټیټیوټ د یو کلن راپور په خپرولو سره چې د ۲۰۲۱ کال له اکتوبر څخه د ۲۰۲۲ کال تر سپتمبر پورې پوښلی دی، وویل چې په سیمه ییزو ښوونیزو ټولګیو کې د نجونو د شمولیت کچه دوه برابره شوې ده. .
په دغه راپور کې ویل شوي چې په ټاکلي وخت کې په سیمه ییزو تعلیمي ادارو کې د نجونو د شمولیت شمېر له ۵۸۳۳ څخه ۱۱۱۶۱ ته لوړ شوی دی.
د بشردوستانه چارو د همغږۍ لپاره د ملګرو ملتونو دفتر زیاته کړه چې په پوښل شویو سیمو کې د څښاک پاکو اوبو ته لاسرسی له ۲۴،۵ څخه ۵۹ سلنې ته لوړ شوی دی.
اوچا همداراز ټینګار کړی، چې په ورته وخت کې د روزل شویو مذهبي مشرانو له خوا د ماشومانو د جبري ودونو د ۱۳ پېښو مخه نیول شوې ده.
په راپور کې راغلي، چې ورلډ ویژن افغانستان په ۲۰۲۳ کال کې د خپلې درې کلنې ستراتیژۍ پلي کول پیل کړي، چې له مخې به یې په ټاکل شویو سیمو کې ۲.۳ میلیونه وګړي د دغه سازمان تر پوښښ لاندې راشي.
په داسې حال کې چې اوچا په سیمه ییزو تعلیمي موسسو کې د نجونو د شمولیت د زیاتوالي اعلان کړی، له ۵۴۰ ورځو څخه زیاتې ورځې تیریږي چې په افغانستان کې منځني او عالي ښوونځي د نجونو پر مخ تړل شوي او د ښځینه زده کوونکو برخلیک لا نه دی روښانه شوی.
ښځې او نجونې په کورنیو او نړیوالو موسسو کې د کار کولو او په پوهنتونونو کې د زده کړې اجازه نه لري.
ښځې عامه حمامونو، تفریحي پارکونو، جمنازیومونو ته له تګ، د نارینه ډاکټرانو له خوا د درملنې او د خصوصي پوهنتون د داخلې په ازموینو کې له ګډون څخه منع دي.
خبرگزاری زنان افغان
Recognize_Gender_Apartheid_in_Afghanistan#
