خبرگزاری زنان افغانستان: د بخښنې نړیوال سازمان یو ځل بیا د طالبانو له حکومته غوښتی چې د قلم د ټولنې مشر او د نجونو د تعلیم ملاتړی مطیع الله ویسا دې له کوم شرط او ځنډ پرته خوشې کړی. دغه مهالنۍ موسسې د سه شنبې په ورځ “د سرطان شپږمه” په یوه ټوېټ کې لیکلی […]
خبرگزاری زنان افغانستان: د بخښنې نړیوال سازمان یو ځل بیا د طالبانو له حکومته غوښتی چې د قلم د ټولنې مشر او د نجونو د تعلیم ملاتړی مطیع الله ویسا دې له کوم شرط او ځنډ پرته خوشې کړی.
دغه مهالنۍ موسسې د سه شنبې په ورځ “د سرطان شپږمه” په یوه ټوېټ کې لیکلی چې د طالبانو له خوا د مطیع الله ویسا په خپل سر له نیول کېدو او زندانی کېدو درې میاشتې تېرې شوې دی.
د بخښنې نړیوال سازمان لیکلی: “د نړیوال بشردوستانه قانون له مخې د هغه پرله پسې توقیف د بیان ازادۍ او د سوله ییزې غونډې له حق څخه ښکاره سرغړونه ده. د طالبانو واکمنه اداره باید مطیع الله ویسا ژر تر ژره خوشې کړی.”
مطیع الله ویسا د مارچ په ۲۷ مه د کابل ښار د پنځمې امنیتی حوزې اړوند د خوشحال خان په سیمه کې له جومات څخه خپل کور ته د راستنیدو پر مهال د طالبانو د استخباراتو لخوا ونیول شو.
د ویسا د کورنۍ غړو د هغه روغتیایی حالت د اندېښنې وړ بللى او ویلی یې دی، چې له ویزې سره هېڅ ډول تړاو نه لری.
دا لومړی ځل نه دی چې د بخښنې نړیوال سازمان د مطیع الله ویسا د خلاصون غوښتنه کوی، تر دې وړاندې هم د می په لومړیو کې دغه سازمان د هغه او د بشری حقونو یو شمېر نورو مدافعینو د خوشې کېدو غوښتنه کړې وه.
د پوهنتون استاد رسول پارسی، حمزه الفت او شمس الرحمن رحیق، مدنی فعالان، مرتضی بهبودی، افغان نژاد فرانسوی خبریال، شاعر او لیکوال حسیب احراری او لسګونه نور فعالان د طالبانو په بند کې دی.
د ملګرو ملتونو په ګډون د نړیوالو سازمانونو له پرله پسې غوښتنو سره سره چې د دغو فعالانو خوشې کول دی، د طالبانو حکومت دغه فعالان په زندانونو کې ساتی.
د بخښنې نړیوال سازمان د مطیع الله ویسا د خوشې کېدو غوښتنه کړې، چې په افغانستان کې د بشری وضعیت په اړه د ملګرو ملتونو د بشری حقونو د عالی کمېشنرۍ د دفتر په راپور کې یې له بشری حقونو څخه د سرغړونې په اړه اندېښنه ښودلې ده.
په دغه راپور کې ویل شوی، چې د افغانستان اوسنی طالب واکمنان د خپلو مخالفینو غږ خاموشوی.
د طالبانو حکومت تر اوسه د بخښنې نړیوال سازمان دې غوښتنې ته ځواب نه دی ویلی، خو تر دې مخکې د طالبانو د حکومت ویاند ذبیح الله مجاهد ویلی وو: «د ویسا په نوم یو کس د پټو ناستو په لړ کې نظام ته له خبر ورکولو پرته خپلسرې کړنې ترسره کړې. “او هغه خلاص پیل کړ. هغه له بهر سره اړیکې درلودې او له بهر څخه یې امرونه اخیستل.”
د طالبانو د حکومت دغه ویاند دا تور هم پورې کړ چې ویسا «د نظام پر ضد کار کوی» او باید د تحقیقاتو لپاره احضار شوی وای.
په ورته وخت کې یو مدنی فعال نورال کلیوال چې شاوخوا درې نیمې میاشتې وړاندې د طالبانو له خوا نیول شوی و، پرون خوشې شو. کلیوال په خپله ټویټر پاڼه لیکلی، چې د طالبانو له خوا له درې نیمو میاشتو بند وروسته خوشې شو او بېرته هېواد ته راستون شو.
خبرگزاری زنان افغانستان
