خبرگزاری زنان افغانستان: د افغانستان یو شمېر مدنی فعالانو، سیاستوالو او د پوهنې فعالانو یو کمپاین پیل کړی چې له طالب چارواکو یې غوښتی چې په بېلابېلو بهانو د نجونو او ښځو د تعلیم د بهیر مخه ونیسی. د نجونو د زده کړو د ملی کمپاین د پیل په تړاو په خپره شوې اعلامیه […]
خبرگزاری زنان افغانستان: د افغانستان یو شمېر مدنی فعالانو، سیاستوالو او د پوهنې فعالانو یو کمپاین پیل کړی چې له طالب چارواکو یې غوښتی چې په بېلابېلو بهانو د نجونو او ښځو د تعلیم د بهیر مخه ونیسی.
د نجونو د زده کړو د ملی کمپاین د پیل په تړاو په خپره شوې اعلامیه کې ویل شوی، چې د افغان نجونو او ښځو تعلیمی او تحصیلی محدودیتونه نور د زغم وړ نه دی او په افغانستان کې واکمن طالبان باید د خلکو غوښتنو ته غاړه کیږدی.
په اعلامیه کې راغلی چې په افغانستان کې د طالبانو د واکمنۍ پر مهال له شاوخوا دوو کلونو راهیسې د نجونو ښوونځی تړل شوی دی.
د خلکو، دینی عالمانو، قومی مشرانو، مدنی ټولنې او نړیوالې ټولنې له پرله پسې غوښتنو سره سره نه یوازې دا چې تر شپږم ټولګی پورې د نجونو د ښوونځیو دروازې تړلې پاتې شوې، بلکې د پوهنتونونو دروازې هم د نجونو او ښځو پر مخ تړل شوې دی.
د نجونو د ښوونې او روزنې د ملی کمپاین له اعلان سره سم، د طالبانو د حکومت د پوهنې وزارت ځینې چارواکی دغه بندیزونه لنډمهاله ګڼی او د نوی پلان، نصاب او د مناسبو شرایطو د برابرولو خبره کوی، خو لا یې هم څه نه دی ویلی. د ښوونځیو او پوهنتونونو د بیا پرانستلو نښه.
په خپره شوې اعلامیه کې له خلکو غوښتل شوی چې د خپلو لوڼو د زامنو په څېر د تعلیم حق وغواړی او له حاکم نظام او نړیوالې ټولنې څخه خپلو روا، سوله ییزو او مدنی غوښتنو ته دوام ورکړی. په وار وار یې له طالبانو غوښتی چې د نجونو او ښځو لپاره ښوونځی او پوهنتونونه پرانیزی.
د همدې موخې لپاره د کابل په ګډون په یو شمېر ولایتونو کې سوله ییزې مظاهرې د طالب چارواکو له خوا وځپل شوې او یو شمېر اعتراض کوونکی په موقت ډول ونیول شول.
د اعلامیې له مخې له تعلیم څخه د نجونو انکار نه یوازې دا چې د اسلامی امت په ګټه نه دی، بلکې د نړۍ په کچه د اسلام نامناسب انځور او درک رامنځته کوی.
د دغه کمپاین تنظیموونکو له نړیوالې ټولنې هم وغوښتل چې د نجونو له زده کړو ملاتړ ته دوام ورکړی او داسې یوه حل لاره ومومی چې د افغانستان ملی ګټو او خلکو ته زیان ونه رسوی، بلکې چارواکی دې ته اړ کړی چې د ښوونځیو او پوهنتونونو دروازې د نجونو پر مخ پرانیزی.
د نړیوالې ټولنې له خوا د طالبانو د حکومت د نه پیژندلو یو عمده لامل د طالبانو له خوا د نجونو او ښځو پر تعلیم، روزنې او کار باندې لګول شوی پراخ محدودیتونه دی.
خبرگزاری زنان افغانستان
