هلمند: کم شمېر ښځینه ډاکټرانې دی او ډېری یې غیر مسلکی دی خبرگزاری زنان افغانستان: د هلمند یو شمېر اوسېدونکی وایی، له یوې خوا په دغه ولایت کې د ښځینه ډاکټرانو شمېر کم دی او له بلې خوا ډېری دغه ډاکټرانې بې مسلکی دی. دوی وایی، دغه ښځینه ډاکټرانې ډېرې پیسې اخلی، خو د […]
هلمند: کم شمېر ښځینه ډاکټرانې دی او ډېری یې غیر مسلکی دی
خبرگزاری زنان افغانستان: د هلمند یو شمېر اوسېدونکی وایی، له یوې خوا په دغه ولایت کې د ښځینه ډاکټرانو شمېر کم دی او له بلې خوا ډېری دغه ډاکټرانې بې مسلکی دی.
دوی وایی، دغه ښځینه ډاکټرانې ډېرې پیسې اخلی، خو د ناروغانو سمه درملنه نه شی کولای.
دغه ډله له روغتیایی مسوولینو غواړی چې د دغو ډاکترانو کلینیکونه وتړی او د هغوى لپاره مسلکی ډاکټران ومومی.
یوه ښځینه فعاله او د هلمند ولایت اوسېدونکې فاطمه وایی، په هلمند ولایت کې د ښځینه ډاکټرانو شمېر کم دى او د لرو پرتو ولسوالیو لکه ګرشک، نادعلی او عینک اوسېدونکی له دې ستونزې سره مخ دی.
د هغه په وینا، په لرو پرتو سیمو کې ښځینه ډاکټرانې نشته، ځکه چې د عامې روغتیا وزارت ښځینه متخصصینو ته لازم امتیازات نه ورکوی.
دى وایی، که د ښځینه ډاکټرانو لپاره اسانتیاوې او امتیازات په پام کې ونیول شی، نو هغوى به هم وغواړی چې په لرې پرتو ولسوالیو کې کار وکړی.
د هغه په وینا، که په لرې پرتو سیمو کې د سیاسی او فرهنګی ستونزو له امله د نجونو د زده کړو مخه نه وای نیول شوې، اوس به په هره ولسوالۍ کې ډېر سواد لرونکې مېرمنې او ښځینه ډاکټرانې وې.
دغه مېرمن د عامې روغتیا له وزارت څخه غواړی چې په هلمند ولایت کې د ښځینه ډاکټرانو د کمښت ستونزه هواره کړی او په هره ولسوالۍ کې دې لږ تر لږه دوه ښځینه متخصصې وګماری.
په همدې حال کې د طا.لبانو له راتګ سره نجونو ته یوازې تر شپږم ټولګی پورې د زده کړو اجازه ورکړل شوه.
