خبرگزاری زنان افغانستان : په کندهارکې ځایی سرچینې وایی،چې په دغه ولایت کې یو شمېر سوداګرې میرمنې له رونیز کورس څخه فارغې شوې خو طالبانو ورته د فراغت په مراسمو کې د ګډون اجازه نه ده ورکړې او ددوى سندونه یې ددوى نارینه محرمانو ته ورسپارلی. د سرچینې د معلوماتو له مخې، په کندهار ښار […]
خبرگزاری زنان افغانستان : په کندهارکې ځایی سرچینې وایی،چې په دغه ولایت کې یو شمېر سوداګرې میرمنې له رونیز کورس څخه فارغې شوې خو طالبانو ورته د فراغت په مراسمو کې د ګډون اجازه نه ده ورکړې او ددوى سندونه یې ددوى نارینه محرمانو ته ورسپارلی.
د سرچینې د معلوماتو له مخې، په کندهار ښار کې د یوې بهرنۍ موسسې له خوا د “چټک سوداګرۍ روزنې” تر سرلیک لاندې له څلور میاشتنی روزنیز کورس څخه پرون “سه شنبه د میزان په ۴مه” ۲۱ مېرمنې او ۴۶ سوداګر فارغ شول.
سرچینه وایی، چې د دغه ښوونیز کورس فارغانو خپل فارغ وخت ولمانځه؛ خو طالبانو ښځو ته په دې مراسمو کې د ګډون اجازه نه وه ورکړې.
د دغه پروګرام مسوول احمد ضیا پوپل خبریالانو ته وویل چې دغه روزنیز کورس د کوردید انستیتوت له خوا د (سوکالۍ) تر سرلیک لاندې د ۴۶ نارینه او ۲۱ ښځو په ګډون په لاره اچول شوى و.
د ښاغلی پوپل په وینا، په دغه روزنیز کورس کې ښځو د خیاطۍ، اچار جوړولو، ډوډۍ پخولو او شامپو جوړولو په برخه کې برخه اخیستې وه.
یوې نارینه سرچینې چې په دې فراغت غونډه کې یې برخه اخیستې وه، د خپل هویت د څرګندولو په ترڅ کې خبرگزاری زنان افغانستان ته وویل، چې دغه مراسم د کندهار ښار د مرکز د اسمان په تالار کې جوړ شوی وو.
د هغه په وینا، نارینه په تفریحی محفل کې حاضر وو؛ خو د ښځو پر ځای د دوی د کورنیو نارینه وو ګډون وکړ او خپل سندونه یې تر لاسه کړل.
هغه وایی: “کله چې به د هرې ښځې د پېژندګلوۍ اسناد وېشل چې په لوډ سپیکر کې نیول کېده، د دوی نارینه باوری به د دوی پر ځای د دوی اسناد ورته ورکوی.”
د سرچینې په وینا، دا د طالبانو له خوا د ښځو پر وړاندې د تبعیض یوه څرګنده بېلګه ده. هغه وایی، که د طالبانو له لوری د ښځو پر شتون محدودیت وی، د دې ادارې مسوولین باید د ښځو لپاره ځانګړی مراسم جوړ کړی.
دا په داسې حال کې ده چې په افغانستان کې د طالبانو تر واکمنۍ وروسته ښځې له نږدې ټولو عامه ځایونو څخه ایستل شوې دی.
د هغه په وینا، نارینه په تفریحی محفل کې حاضر وو؛ خو د ښځو پر ځای د دوی د کورنیو نارینه وو ګډون وکړ او خپل سندونه یې تر لاسه کړل.
هغه وایی: “کله چې به د هرې ښځې د پېژندګلوۍ اسناد وېشل چې په لوډ سپیکر کې نیول کېده، د دوی نارینه باوری به د دوی پر ځای د دوی اسناد ورته ورکوی.”
د سرچینې په وینا، دا د طالبانو له خوا د ښځو پر وړاندې د تبعیض یوه څرګنده بېلګه ده. هغه وایی، که د طالبانو له لوری د ښځو پر شتون محدودیت وی، د دې ادارې مسوولین باید د ښځو لپاره ځانګړی مراسم جوړ کړی.
دا په داسې حال کې ده چې په افغانستان کې د طالبانو تر واکمنۍ وروسته ښځې له نږدې ټولو عامه ځایونو څخه ایستل شوې دی.
په افغانستان کې د دغې ډلې د واکمنۍ په څه باندې دوه کلنه موده کې د طالبانو له خوا د ښځو پر وړاندې تر ۵۰ ډېر محدودیتونه صادر شوی دی.
خبرگزاری زنان افغانستان
