په داسې حال کې چې په افغانستان کې لسګونه میلیونه وګړي له اقتصادي بحران او د خوراکي توکو له کمښت سره مخ دي، د خوړو نړیوال سازمان ویلي چې د ملګرو ملتونو د دغې ادارې د بودیجې د کموالي له امله څلور میلیونه افغانان د خوراکي توکو کموالي ته اړ دي. د خوړو نړیوال سازمان […]
په داسې حال کې چې په افغانستان کې لسګونه میلیونه وګړي له اقتصادي بحران او د خوراکي توکو له کمښت سره مخ دي، د خوړو نړیوال سازمان ویلي چې د ملګرو ملتونو د دغې ادارې د بودیجې د کموالي له امله څلور میلیونه افغانان د خوراکي توکو کموالي ته اړ دي.
د خوړو نړیوال سازمان (WFP) یو بیان خپور کړ چې ویلي یې دي “د بودیجې د محدودیتونو له امله، لږترلږه څلور ملیونه خلک به د مارچ په میاشت کې یوازې د اړتیا نیمایي ترلاسه کړي.” په اعلامیه کې دا هم راغلي چې د ملګرو ملتونو اداره په عاجله توګه ۹۳ میلیونه ډالرو ته اړتیا لري چې په اپریل میاشت کې په افغانستان کې ۱۳ میلیونه خلکو ته خوراکي مرستې ورسوي.
وروسته له هغه چې د ۲۰۲۱ کال په اګست میاشت کې طالبانو یو ځل بیا پر افغانستان واکمني وکړه، دغه هېواد چې لا له وړاندې له اقتصادي بې وزلۍ سره مخ و او پر نړیوالو مرستو تکیه یې کوله، نوره هم د اقتصادي بحران سره مخ شو. د لويديځو هيوادونو اقتصادي بنديزونه او په ځانګړي ډول د امريکا متحده ايالاتو او د پيهام وچکالۍ هم دغه اقتصادي ستونزي او بشري بحرانونه زيات کړي دي.
د ملګرو ملتونو په ګډون یو شمېر چارواکو اندېښنه ښودلې، چې په افغانستان کې د طالبانو له خوا پر ښځو له لګول شویو بندیزونو وروسته ښايي یو شمېر مرستندویه هېوادونه له دغه هېواد سره د خپلو بشري مرستو پروګرامونه ودروي. خو د خوړو د نړیوال سازمان د بودیجې د کمښت لامل لا نه دی په ډاګه شوی.
د ۲۰۲۲ کال په ډسمبر کې طالبانو نه یوازې ښځې له خپلو زده کړو منعې کړې، بلکې ښځې او نجونې یې هم په بهرنیو او کورنیو غیردولتي موسسو کې له کار کولو څخه منع کړې وې. په افغانستان کې د طالبانو له واکمنۍ وروسته نجونې یوازې تر شپږم ټولګي پورې د زده کړو حق لري.
تر دې مخکې د ملګرو ملتونو د بشري چارو د همغږۍ دفتر (OCHA) په یوه راپور کې ویلي وو، چې افغانستان د نظام د سقوط او بشري ناورین له خورا اصلي خطر سره له بې سابقې بشري ناورین سره مخ دی، ځکه په دغه هېواد کې ۱۷ میلیونه وګړي له سختې لوږې سره مخ دي.
د دغه راپور له مخې، تېر کال د افغانستان نفوس له ۴۳ میلیونو څخه اوښتی او د نفوسو کلنی زیاتوالی ۲،۳ سلنه دی، چې دا په سیمه کې تر ټولو لوړه شمېره ښيي.
اوچا وویل چې ٢٨،٣ ملیون خلک – د افغانستان د نفوس دوه پر دریمه برخه – به سږکال د ژوندي پاتې کیدو لپاره بشري مرستو ته اړتیا ولري ځکه چې هیواد دریم پرله پسې وچکالۍ او دوهم کال د سخت اقتصادي بحران سره مخ دی.
د دغه راپور له مخې: ١٤،٧ ميليونه وګړي په سختو شرايطو کې، ٦،٤ ميليونه ښځې او ١٥،٢ ميليونه ماشومان، ٦،١ ميليونه وګړي په ښاري سيمو کې او ٢٢،٢ ميليونه وګړي په کليوالو سيمو کې ژوند کوي او د ټولو کورنيو ١٥ سلنه جوړوي. لږترلږه یو غړی معلولیت لري.
خبرگزاری زنان افغان
Recognize_Gender_Apartheid_in_Afghanistan#
