د روغتیا نړیوال سازمان یا ډبلیو ایچ او وایی، افغانانو ته د لازمو روغتیایی خدمتونو په وړاندې کولو کې روغتیایی سیستم له جدی ستونزو سره مخ دی. د سه شنبې په ورځ “اګست ۲۹ د ملګرو ملتونو اړوند د روغتیا نړیوال سازمان په خپله ټویټر پاڼه لیکلی چې له کافی مرستو پرته به ۳ […]
د روغتیا نړیوال سازمان یا ډبلیو ایچ او وایی، افغانانو ته د لازمو روغتیایی خدمتونو په وړاندې کولو کې روغتیایی سیستم له جدی ستونزو سره مخ دی.
د سه شنبې په ورځ “اګست ۲۹ د ملګرو ملتونو اړوند د روغتیا نړیوال سازمان په خپله ټویټر پاڼه لیکلی چې له کافی مرستو پرته به ۳ زره نجونې او ښځې له ځانګړو بیړنیو خدمتونو بې برخې شی.
د روغتیا نړیوال سازمان زیاتوی، چې سږ کال هره ورځ شاوخوا ۲۴ میندې د مخنیوی وړ نسایی ناروغیو له امله مری او اټکل کېږی، چې دا شمېر به نور هم زیات شی.
د لندن په شاهی وړیا روغتون کې د نسایی او نسایی ناروغیو متخصصه ډاکټره محبوبه افغان وایی چې د اقتصادی فقر له امله افغان مېرمنې د وینې له کمښت سره مخ دی:
“خویندې او میندې باید هڅه وکړی چې د وینې کچه لوړه وساتی او دا کار د ښه خوړو او اوسپنې ټابلیټونو سره ممکن دی. دا ټابلیټونه په اسانۍ سره په هر درملتون کې موندل کیږی او د امیندوارۍ په لومړیو څو میاشتو کې باید وکارول شی.”
په افغانستان کې د نسایی ولادی او نسایی ولادی ټولنې مشره ډاکټره نجم سیما شفاجو وایی چې د وروستیو شمېرو له مخې په افغانستان کې په هرو سلو زرو زیږونونو کې ۶۳۸ میندې او ۲۲ ماشومان مری.
بل خوا د ملګرو ملتونو د خوړو نړیوال پروګرام وایی، چې د روان کال له پیله یې افغانستان ته ٢٧ ټنه صحی بشری مرستې لېږلی دی.
د روغتیا نړیوال سازمان د سه شنبې په ورځ “اګست ۲۹” اعلان وکړ چې په ۲۰۰۰ الوتنو کې یې ۱۳۰۰۰ مسافر او ۲۷ ټنه بشری مرستې چې طبی وسایل، درمل او واکسینونه پکې شامل دی، انتقال کړی دی.
دې ادارې په یوه بل پوسټ کې لیکلی، چې سږ کال یې د لومړنیو ښوونځیو له هرو اوو ماشومانو څخه یوه ته صحی خواړه ورکړی دی.
په ورته وخت کې د روغتیا نړیوال سازمان وایی، چې د روان کال په پاتې میاشتو کې د افغانستان د لومړنیو روغتیایی اړتیاوو د پوره کولو لپاره ۱۲۵ میلیونه ډالرو مرستو ته اړتیا لری.
خبرگزاری زنان افغانستان
